صریرِ خامۂ وارث: کون کسی کا یار ہے سائیں

Nov 16, 2011

کون کسی کا یار ہے سائیں - راغب مراد آبادی

کون کسی کا یار ہے سائیں
یاری بھی بیوپار ہے سائیں

یہ بھی جھوٹا، وہ بھی جھوٹا
جھوٹا سب سنسار ہے سائیں

راغب مرادآبادی

ہم تو ہیں بس رمتے جوگی
آپ کا تو گھر بار ہے سائیں

کب سے اُس کو ڈھونڈ رہا ہوں
جس کو مجھ سے پیار ہے سائیں

کرودھ کپٹ ہے جس کے من میں
مفلس اور نادار ہے سائیں

ڈول رہی ہے پریم کی نیا
داتا کھیون ہار ہے سائیں

بات کبھی ہے پھول کی ڈالی
بات کبھی تلوار ہے سائیں

گاؤں کی عزت کا رکھوالا
گاؤں کا لمبردار ہے سائیں

راغب مراد آبادی

متعلقہ تحاریر : اردو شاعری, اردو غزل, راغب مراد آبادی

2 تبصرے:

علیNov 16, 2011 04:33 AM
واہ واہ واہ
اگر اچھی ہو تو اردو غزل سی کوئی شے نہیں۔
ReplyDelete
محمد وارثNov 17, 2011 01:21 AM
شکریہ علی صاحب
ReplyDelete

Add comment

خوش آمدید

محترم قاری، اس بلاگ پر تشریف لانے کیلیے خاکسار آپ کا شکرگزار ہے اور آپ کو خوش آمدید کہتا ہے۔

اس بلاگ کی تزئین و آرائش نستعلیق رسم الخط کے لحاظ سے کی گئی ہے اور ہو سکتا ہے کہ نستعلیق فونٹ کے بغیر یہ بلاگ آپ کو اچھا نہ لگے، جس کیلیے میں آپ سے معذرت خواہ ہوں۔

اور استدعا کرتا ہوں کہ اس بلاگ کو بہتر حالت میں دیکھنے کیلیے علوی نستعلیق یا جمیل نوری نستعلیق فونٹ کو نیچے دیے گئے ربط سے ڈاؤنلوڈ کر کے اپنے کمپیوٹر میں انسٹال کر لیں۔ شکریہ۔

بلاگ کا تعارف

یہ بلاگ بنیادی طور پر شعر و ادب اور فنِ شاعری کے متعلق ہے: زیادہ تر اردو شاعری اور اسکے ساتھ ساتھ فارسی شاعری مع اردو ترجمہ اور کسی حد تک پنجابی شاعری۔ اسکے علاوہ آپ اس بلاگ پر میری یادیں، میری کم مایہ شاعری اور میرے مضامین بھی پڑھ سکیں گے۔ آسان علمِ عروض اور تقطیع کے متعلق میری تحاریر بھی یہاں آپ کو پڑھنے کو ملیں گے۔

برصغیر پاک و ہند میں فارسی شاعری کا ایک عظیم الشان ورثہ بہت حد تک پائمال ہو چکا ہے اور ہو رہا ہے، اس ورثے کو محفوظ کرنا بھی اس بلاگ کا ایک مقصد ہے۔ اسکے ساتھ ساتھ، ویب کی دنیا میں یونی کوڈ اردو کی ترویج و ترقی بھی اس بلاگ کا ایک بنیادی مقصد ہے کہ اردو دنیا کی ایک بڑی زبان ہے لیکن ویب میں اسکی موجودگی نہ ہونے کے برابر ہے

بلاگ کے عنوان 'صریرِ خامۂ وارث' کا مطلب 'وارث کے قلم کی آواز' ہے جو کہ غالب کے اس شعر سے، بصد ہزار احترام و عقیدت و محبت، مستعار لیا ہے۔

آتے ہیں غیب سے یہ مضامیں خیال میں
غالب صریرِ خامہ نوائے سروش ہے

اس بلاگ کی بہتری کے حوالے سے آپ کی آراء اور تجاویز کا بھی مجھے انتظا رہے گا۔