صریرِ خامۂ وارث: نظم - توسیعِ شہر از مجید امجد

May 29, 2012

نظم - توسیعِ شہر از مجید امجد

مجید امجد کی ایک انتہائی خوبصورت نظم

توسیع ِ شہر

بیس برس سے کھڑے تھے جو اس گاتی نہر کے دوار
جھومتے کھیتوں کی سرحد پر بانکے پہرے دار
گھنے، سہانے، چھاؤں چھڑکتے، بور لدے چھتنار
بیس ہزار میں بک گئے سارے ہرے بھرے اشجار

جن کی سانس کا ہر جھونکا تھا ایک عجیب طلسم
قاتل تیشے چیر گئے ان ساونتوں کے جسم

Majeed Amjad, مجید امجد

گری دھڑام سے گھائل پیڑوں کی نیلی دیوار
کٹتے ہیکل، جھڑتے پنجر، چھٹتے برگ و بار
سہمی دھوپ کے زرد کفن میں لاشوں کے انبار

آج کھڑا میں سوچتا ہوں اس گاتی نہر کے دوار
اس مقتل میں صرف اک میری سوچ لہکتی ڈال
مجھ پر بھی اب کاری ضرب اک، اے آدم کی آل

مجید امجد

متعلقہ تحاریر : اردو شاعری, اردو نظم, مجید امجد

3 comments:

AnonymousMay 29, 2012 at 11:59 AM
بہت ہی خوبصورت
ReplyDelete
Replies
علیMay 29, 2012 at 1:40 PM
بہت ہی عمدہ
بہت ہی نادر خیال
ReplyDelete
Replies
محمد وارثMay 31, 2012 at 10:39 AM
آپ سب کا شکریہ
ReplyDelete
Replies

Add comment

بلاگ کا تعارف

یہ بلاگ بنیادی طور پر شعر و ادب اور فنِ شاعری کے متعلق ہے: زیادہ تر اردو شاعری اور اسکے ساتھ ساتھ فارسی شاعری مع اردو ترجمہ اور کسی حد تک پنجابی شاعری۔ اسکے علاوہ آپ اس بلاگ پر میری یادیں، میری کم مایہ شاعری اور میرے مضامین بھی پڑھ سکیں گے۔ آسان علمِ عروض اور تقطیع کے متعلق میری تحاریر بھی یہاں آپ کو پڑھنے کو ملیں گے۔

برصغیر پاک و ہند میں فارسی شاعری کا ایک عظیم الشان ورثہ بہت حد تک پائمال ہو چکا ہے اور ہو رہا ہے، اس ورثے کو محفوظ کرنا بھی اس بلاگ کا ایک مقصد ہے۔ اسکے ساتھ ساتھ، ویب کی دنیا میں یونی کوڈ اردو کی ترویج و ترقی بھی اس بلاگ کا ایک بنیادی مقصد ہے کہ اردو دنیا کی ایک بڑی زبان ہے لیکن ویب میں اسکی موجودگی نہ ہونے کے برابر ہے

بلاگ کے عنوان 'صریرِ خامۂ وارث' کا مطلب 'وارث کے قلم کی آواز' ہے جو کہ غالب کے اس شعر سے، بصد ہزار احترام و عقیدت و محبت، مستعار لیا ہے۔

آتے ہیں غیب سے یہ مضامیں خیال میں
غالب صریرِ خامہ نوائے سروش ہے

اس بلاگ کی بہتری کے حوالے سے آپ کی آراء اور تجاویز کا بھی مجھے انتظا رہے گا۔