صائب تبریزی کی ایک خوبصورت غزل
آبِ خضر و مئے شبانہ یکیست
مستی و عمرِ جاودانہ یکیست
آبِ حیات اور رات کی شراب ایک ہی چیز ہیں، مستی اور عمرِ جاودانہ ایک ہی چیز ہیں۔
بر دلِ ماست چشم خوباں را
صد کماندار را نشانہ یکیست
ہمارے ہی دل پر خوباؤں کی نظر ہے، سینکڑوں کمانداروں کیلیے نشانہ ایک ہی ہے۔
پیشِ آں چشمہائے خواب آلود
نالہٴ عاشق و فسانہ یکیست
اُن خواب آلود آنکھوں کے سامنے، عاشق کا نالہ و فریاد اور افسانہ ایک ہی چیز ہیں۔
کثرتِ خلق، عین توحید است
خوشہ چندیں ہزار و دانہ یکیست
مخلوق کی کثرت عین توحید ہے کہ خوشے چاہے ہزاروں ہوں دانہ تو ایک ہی ہے۔
 |
| یادگار صائب تبریزی، ایران |
دو نماید، ولے زبانہ یکیست
دین اور کفر کے پلڑے ترازو کی طرح دو ہیں لیکن ان کی سوئی تو ایک ہی ہے۔
عاشقے را کہ غیرتے دارد
چینِ ابرو و تازیانہ یکیست
غیرت مند عاشق کیلیے، محبوب کی چینِ ابرو اور تازیانہ ایک ہی چیز ہیں۔
پیشِ مرغِ شکستہ پر صائب
قفس و باغ و آشیانہ یکیست
صائب، پر شکستہ پرندے کیلیے، قفس اور باغ اور آشیانہ ایک ہی چیز ہیں
----
قافیہ - آنہ یعنی نہ اور اُس سے پہلے الف کی آواز یا حرکت جیسے شبانہ میں بانہ، جاودانہ میں دانہ، نشانہ میں شانہ وغیرہ۔
ردیف -یکیست۔
بحر - بحر خفیف مسدس مخبون محذوف مقطوع
افاعیل - فاعِلاتُن مُفاعِلُن فَعلُن
(پہلے رکن فاعلاتن کی جگہ مخبون رکن فعلاتن بھی آسکتا ہے، آخری رکن فعلن کی جگہ فعلان، فَعِلن اور فَعِلان بھی آسکتا ہے یوں آٹھ وزن اکھٹے ہو سکتے ہیں)۔ تفصیل کیلیئے میرا مقالہ “ایک خوبصورت بحر - بحر خفیف” دیکھیئے)
علامتی نظام - 2212 / 2121 / 22
ہندسوں کو اردو رسم الخط کے مطابق پڑھیے یعنی دائیں سے بائیں یعنی 2212 پہلے پڑھیے۔ اور اس میں بھی 12 پہلے ہے۔
(پہلے 2212 کی جگہ 2211 اور آخری 22 کی جگہ 122، 211 اور 1211 بھی آ سکتا ہے)
تقطیع -
آبِ خضر و مئے شبانہ یکیست
مستی و عمرِ جاودانہ یکیست
واضح رہے کہ خضر کا تلفظ حرفِ دوم کی حرکت اور سکون دونوں طرح مستعمل ہے۔
مئے شبا - مفاعلن - 2121
نَ یکیس - فَعِلان - 1211
مستِ یو عم - فاعلاتن - 2212
رِ جاودا - مفاعلن - 2121
نَ یکیس - فَعِلان - 1211
متعلقہ تحاریر : بحر خفیف,
تقطیع,
صائب تبریزی,
فارسی شاعری
آپ کے بلاگ پر آتے ہوئے پاس ورڈ کی کوفت سے گزرنا پڑتا ہے۔ جب پاس ورڈ والے صفحے پر کینسل کلک کرتے ہیں تو پھر آپ کا بلاگ کھلتا ہے۔ پتہ نہیں یہ صرف ہمارے ساتھ مسئلہ ہو رہا ہے یا آپ نے کچھ کیا ہے۔
ReplyDeleteشکریہ افضل صاحب نشاندہی کیلیے، اردو ویب سرور کی سیٹنگ کا مسئلہ تھا، درست کر دیا گیا ہے۔
Deleteوالسلام
بہت خوب ۔
ReplyDeleteشکریہ جناب
Deletebhot khoob
ReplyDeleteشکریہ جناب
Deleteآپ نہ صرف فارسی کو زندگی دے رہے ہیں بلکہ اسمیں پوشیدہ حکمت بھی لوگوں تک پہنچا رہے ہیں۔۔یہ مشغلہ جاری رکھیں ۔۔۔ اللہ کریم آپکو حکمت عطا فرمائے۔۔
ReplyDeleteحمت عطا فرمائے۔۔اللہ کریم ۔۔
Deleteذرہ نوازی آپ کی قبلہ محترم، ان کلماتِ خیر کے لیے ممنون ہوں۔
Delete